Баткен

Разия Темирбаева

Өзгөрүүлөр менен салттардын кесилишинде жайгашкан Кара-Суу айылы — бул тынчтык менен жөнөкөйлүктүн ордосу. Ушул жерден башталган Разия Темирбаеванын тарыхы — кыргыз айымдарынын чыныгы күчүн, туруктуулукту жана тынчтыкты куруу жөндөмүн көрсөтүп турган жандуу мисал. Ал катышкан “Женщины — опора мира” долбоору анын гана эмес, ондогон айылдык аялдардын тагдырын өзгөрткөн. Разия үчүн бул долбоор мүмкүнчүлүктөрдүн эшигин ачып, ишкердикке жана социалдык демилгелерге жол тарттырды.

Биография

Разия Темирбаева Баткен облусунун Лейлек районуна караштуу Кара-Суу айылында
төрөлүп-өскөн.

Тиричилик менен үй-бүлө камын көрүү — бул аймактын аялдарына тааныш абал. Бирок Разия эже үчүн жашоо ушуну менен эле чектелбеген. Ал ар дайым бир нерсени өзгөртүүгө, колунан келгендин баарын жасап, өз айылына салым кошууга умтулуп келген. Долбоор аркылуу ал бизнес жүргүзүүнүн негиздерин үйрөнүп, грант алып, тигүү цехин ачат. Алгач өзү жалгыз баштаса, кийин башка аялдарды да тартат. Азыр бул жай — айылдагы көптөгөн аялдар үчүн иш, үмүт жана өнүгүүнүн булагы.

ӨЛКӨГӨ КОШКОН САЛЫМЫ

Разия Темирбаева азыр жөн эле ишкер эмес — ал өзгөчө миссияны аткарган насаатчы. Анын цехинде ар бир тигилген буюм — бул аялдардын ишеними, өз алдынчалуулугу жана келечекке болгон үмүтү. Цех айылдагы аялдар үчүн жумуш орундарын түзүп гана тим болбостон, алардын кадыр-баркын көтөрүүгө да жардам берүүдө. Разия эже өз мисалы менен “аялдар деле чоң өзгөрүүлөрдү жасай алат” деген ишенимди жайылтууда.

Анын кыялдары чоң: “Биздин тигүү буюмдарыбыз башка өлкөлөргө да чыгат деген үмүтүбүз бар. Бирок эң башкысы — бул жердеги аялдар өз күчүнө ишенсин”, — дейт ал.

Разия Темирбаеванын тарыхы — жөнөкөй тигүүчү аялдын күчү менен башталган, бирок бүтүндөй коомго дем берген өзгөрүүнүн тарыхы. Бул тынчтыкты, ынтымакты жана коомдук биримдикти илгерилеткен, үмүт менен үгүттөгөн жол.

Источники
Salammedia.kg -ге берген маегинен
Разия Темирбаева: Аялдардын ишкердүүлүк жолу жана тынчтыкты бекемдөө

Бул тарыхты сунуштаган: Ашур кызы Нурпеил
Баткен облусу

Вас также может заинтересовать

Ырыскуль Нуралиева

Когда-то она была девочкой с вокзала, сиротой без имени и будущего. А стала символом преданности, трудолюбия и неугасимой жажды жизни.

Айдана Оторбаева

Cломала стереотипы и сделала женский футбол в Кыргызстане символом силы, характера и международных успехов.

По регионам

Инициатор проекта

Альянс Женских Законодательных Инициатив

awli.kg@gmail.com

Предложить героиню

Историческая справка

Обратная связь