Маликахан
Мустапакулова
Жалал-Абад
Алгачкы көз карашта — жөнөкөй мугалим, үй-бүлөлүү аял, эне. Бирок иш жүзүндө — лидер, уюштуруучу жана коомго таасир эте алган мамлекеттик кызматкер. Маликахан Пайгамбаровна Мустапакулова ак бор менен тактаны алмаштырып, коомдук кызматка аттанган аялдардын бири. Анын кесиптик жолу айыл чарбасынан башталып, мамлекеттик башкарууга чейин көтөрүлүп, бүгүн Жалал-Абад шаарынын мэриясында уюштуруу жана кадрдык саясат бөлүмүн жетектеп келет.
Өмүр баяны
Маликахан апа 1967-жылы Жалал-Абад облусунун Бургонду айылында төрөлгөн.
Эмгек жолун 17 жашынан баштап, профучилищеде лаборант болуп иштеген. Кийин орус тилинин, андан соң англис тилинин мугалими болуп эмгектенген. Ош мамлекеттик педагогикалык институтун, андан соң Жалал-Абад институтун бүтүрүп, билим берүү жана экономика тармагында жогорку билим алган. 2000-жылдардын башында Чүйдө үй-бүлөсү менен кант кызылчасын эгип, талаа иштерин да, мугалимдикти да бирдей алып жүргөн. Балдарын жанында алып жүрүп, велосипед менен талаа ишине барган — жөнөкөй турмуштан уялбай, тескерисинче, андан күч алган. Айыл мектептери үчүн гранттарды утуп алып, компьютер, жабдыктар, нан бышыруучу жабдуулар менен камсыздаган.
Жалал-Абадга кайтып келип, мамлекеттик кызматты уланткан.
Эл аны айыл өкмөт башчылыгына сунуштаганда, ал буга татыктуу лидер болуп калган эле. Бирок энесинин «өз элиңе кайрыл» деген кеңеши анын багытын өзгөртүп, ал Жалал-Абадга кайтып келип, мамлекеттик кызматты уланткан.
Өлкөгө кошкон салымы
Маликахан Пайгамбаровна муниципалдык кызматта өзүн ар тараптуу көрсөтө алды. Башында социалдык саясат боюнча адис, кийин бөлүм башчы, социалдык маселелер боюнча вице-мэр, азыр болсо — мэриянын негизги кадрдык түзүмүн жетектөөдө. Анын өзгөчөлүгү — элдин көйгөйүн угуп, тез жана натыйжалуу аракет көрүү.
2010-жылдагы июнь коогалаңында гуманитардык комиссиянын жетекчиси болуп, элге азык-түлүк жеткирүүнү уюштурган, эл аралык уюмдар менен сүйлөшүүлөрдү жүргүзүп, тынчтыкты сактап калууга чоң салым кошкон.
2010-жылдагы июнь коогалаңында гуманитардык комиссиянын жетекчиси болуп, элге азык-түлүк жеткирүүнү уюштурган, эл аралык уюмдар менен сүйлөшүүлөрдү жүргүзүп, тынчтыкты сактап калууга чоң салым кошкон.
Ал жарандарга кызмат көрсөтүү борборунун түзүлүшүнө демилге көтөргөн, этностор аралык кеңешти жетектеп, “Бир дүйнө” фестивалын өткөргөн, эл аралык окутуулардан өтүп, жаш адистерге ментор болуп келген.
Жеткиликтүү, адилеттүү жана чечкиндүү жетекчи катары ал элдин урмат-сыйына ээ болгон. Он миңдеген ыраазычылык каттар, мамлекеттик сыйлыктар — булардын баары анын ишмердигинин баалуулугун тастыктайт.
Жеткиликтүү, адилеттүү жана чечкиндүү жетекчи катары ал элдин урмат-сыйына ээ болгон. Он миңдеген ыраазычылык каттар, мамлекеттик сыйлыктар — булардын баары анын ишмердигинин баалуулугун тастыктайт.
Ошол эле учурда Маликахан айым — алты баланын апасы, “Эне даңкы” медалынын ээси. Ал үй-бүлөнү, жерди жана коомду бирдей сүйүп, аларга бирдей кызмат кылуунун үлгүсүн көрсөтүп келет.
Булактар
Kogart.kg сайтындагы биографиясы
Маликахан Мустапакулова
УТРК- Жалал-Абад YouTube каналындагы видеомаек
Жаңы күн: конок
Kogart.kg сайтындагы биографиясы
Маликахан Мустапакулова
УТРК- Жалал-Абад YouTube каналындагы видеомаек
Жаңы күн: конок
Бул баянды сунуштаган: Жаныбаева Анархан
Жалал-Абад ш.
Жалал-Абад ш.
Сизди дагы кызыктырышы мүмкүн
© 2025 Мыйзамдуулук Демилгелеринин Аялдар Альянсы
Долбоордун демилгечиси