Жумакан Мамбетова

Ысык-Көл
1950−2025-жылдар аралыгы — Кыргыз Республикасынын тарыхындагы социалисттик курулуштун гүлдөп-өсүү мезгили жана көз карандысыздыктын калыптаныш доору болуп саналат. Бул жылдар Жумакан Мамбетованын эмгек жана коомдук ишмердигинин да эң активдүү мезгилине туура келет.

Өмүр баяны

Жумакан Мамбетова 1935-жылы 3-январда төрөлгөн.
Балалык чагы оор сыноолор менен коштолгон: атасы репрессияланып, бир туугандары согушта каза болгон. 10 жашында жетим калганына карабай, билимге умтулуп, Пржевальск шаарында мектепти бүтүп, 1949-жылы Кыргыз кыз-келиндер педагогикалык окуу жайына кабыл алынат. Андан соң, орус тили жана адабияты боюнча адис болуп чыгат.
Ысык-Көл облусунун жана Каракол шаарынын партиялык органдарында иштеген.
1956-жылы мугалимдик ишти баштап, кийин профсоюз, комсомол жана партиялык кызматтарда иштеген. 1986−2012-жылдары Пржевальский музей-мемориалдык комплексин жетектеп, кийин Кусейин Карасаевдин музейинин негизделишине демилгечи болгон.

Өлкөгө кошкон салымы

Жумакан Мамбетова Кыргызстандын билим берүү, маданият, коом жана туризм тармагына чоң салым кошкон. Анын жетекчилиги менен:

Н.М. Пржевальский музейи жана аймагы капиталдык оңдоодон өткөрүлгөн;

Кусейин Карасаевдин музейи курулган;

К.Тыныстанов атындагы университет менен биргелешкен студенттик агартуу иштери жүргүзүлгөн;

«Н. М. Пржевальский. Ысык-Көлдөгү мемориалдык комплекс» аттуу илимий журнал (2008-ж.) жарык көргөн;

К.Карасаев музейинин экспонаттарынын 80%ын окумуштуунун жеке буюмдары түзгөн — бул да Мамбетованын жеке аракетинин жемиши;

Карасаевдин жубайы Айша апа жана кызы Люся Карасаева менен үзгүлтүксүз байланышта болуп, музей үчүн баалуу буюмдарды алууга жетишкен
Комплекс Ысык-Көл облусу гана эмес, бүт республика үчүн маанилүү маданий жана тарыхый борбор болуп калды. Бүгүн, 90 жашка толуп жатса да, Жумакан эже активдүү иш алып барууда. Ал эч кимди кеңешсиз калтырбайт, дайыма өлкөдөгү жана дүйнөдөгү окуялардан кабардар.

Анын максатка багытталган мүнөзү, ар бир ишке терең кирип, илимий жана логикалык талдоого жөндөмдүүлүгү — мен үчүн чыныгы шыктануу булагы.
Анын жөнөкөйлүгү, адамгерчилиги жана ар бир адамга болгон ачык мамилеси өзгөчө баалуу.
Булактар

Жумакан Мамбетованын жеке архиви
Айнура Асановна Атамкулованын маеги
КТРК жана аймактык телеканалдардын архивдик материалдары
"Н. М. Пржевальский. Ысык-Көлдөгү мемориалдык комплекс" журналы (2008)
Карасаев музейинин расмий документтери жана маалыматтары
Жумакан Мамбетованын тарыхы тууралуу акцияга катышуу арызынын автору: Айнура Асанаевна Атамкулова

Ысык-Көл облусу

Сизди дагы кызыктырышы мүмкүн

© 2025 Мыйзамдуулук Демилгелеринин Аялдар Альянсы
Долбоордун демилгечиси
Мыйзамдуулук Демилгелеринин Аялдар Альянсы

awli.kg@gmail.com

Каарман сунуштоо

Тарых

Кайтарым байланыш