Жумагуль Эгембердиева
Жалал-Абад
Бүгүнкү Кыргызстанда гендердик теңдик, аялдардын мамлекеттик башкарууга катышуусу тууралуу көп айтылып келет. Бирок бул багытта жол салгандар тууралуу унутпай, алардын жашоосу менен шыктануубуз маанилүү. Жумагуль Эгембердиева — дал ушундай инсан. Анын өмүр жолу — жөн гана ийгиликтүү карьера эмес, бул кайраттын, кесипкөйлүктүн жана элге болгон берилгендиктин тарыхы. Ал мугалимдиктен губернатордук кызматка чейин көтөрүлүп, ар дайым элге жакын болууну тандаган.
Өмүр баяны
Жумагуль Шариповна 1958-жылы Чаткал районунун Терек-Сай айылында төрөлгөн.
Орто мектепти аяктаган соң Сумсар орто мектебинде улук пионервожатый болуп иштеп баштаган. Ош мамлекеттик педагогикалык институтунун «орус тили жана адабияты» адистигин аяктап, мугалим катары билим берүү тармагына кайтып келген.
Иштеги жоопкерчилиги жана лидерлик сапаттары аны мектеп директоруна чейинки кызматка көтөргөн. 2003-жылы социалдык маселелер боюнча Чаткал районунун акиминин орун басары болуп дайындалып, мамлекеттик кызматтагы жолун уланткан.
Иштеги жоопкерчилиги жана лидерлик сапаттары аны мектеп директоруна чейинки кызматка көтөргөн. 2003-жылы социалдык маселелер боюнча Чаткал районунун акиминин орун басары болуп дайындалып, мамлекеттик кызматтагы жолун уланткан.
Эгембердиеванын эрктүүлүгү, сабырдуулугу жана адамга болгон камкордугу ачык көрүнгөн.
Анын эң оор сыноолорунун бири — 2010-жылдагы июнь окуялары болгон. Ош шаарындагы башаламандык учурунда ал студенттерди эвакуациялоо иштерин координациялап, элге ишеним берип, коопсуздукту камсыз кылууга көмөктөшкөн. Бул мезгилде Жумагуль Эгембердиеванын эрктүүлүгү, сабырдуулугу жана адамга болгон камкордугу ачык көрүнгөн.
Кийинчерээк ал бир катар маанилүү мамлекеттик кызматтарды аркалаган:
— Жалал-Абад облусунун губернатору,
— Өкмөттүн жергиликтүү өз алдынча башкаруу жана этностор аралык мамилелер боюнча агенттигинин жетекчиси,
— Мамлекеттик камсыздандыруу агенттигинин башчысы.
Кийинчерээк ал бир катар маанилүү мамлекеттик кызматтарды аркалаган:
— Жалал-Абад облусунун губернатору,
— Өкмөттүн жергиликтүү өз алдынча башкаруу жана этностор аралык мамилелер боюнча агенттигинин жетекчиси,
— Мамлекеттик камсыздандыруу агенттигинин башчысы.
Өлкөгө кошкон салымы
Ал оор кырдаалдарда жоопкерчилик алып, элдин жанында болгон инсан. 2010-жылы июнь окуялар учурунда ал коопсуздукту камсыз кылууда активдүү иш алып барып, студенттерди куткаруу, энелерди тынчтандыруу иштерине түздөн-түз катышкан.
Акимдин орун басары, губернатор болгон күндөрүндө да ал башкарууну бийлик катары эмес, кызмат катары түшүнгөн. Карылар үйүнөн баштап, айыл мектептери жана ооруканаларга чейин өзү барып, маселелерди жеринде чечүүгө аракет кылган.
Анын ыкмасы — бюрократия эмес, сүйлөшүү, угуу жана чогуу чечим табуу болчу. Адамдардын үнүн угуу жана аракетке өтүү анын ишинин өзөгүн түзгөн.
Акимдин орун басары, губернатор болгон күндөрүндө да ал башкарууну бийлик катары эмес, кызмат катары түшүнгөн. Карылар үйүнөн баштап, айыл мектептери жана ооруканаларга чейин өзү барып, маселелерди жеринде чечүүгө аракет кылган.
Анын ыкмасы — бюрократия эмес, сүйлөшүү, угуу жана чогуу чечим табуу болчу. Адамдардын үнүн угуу жана аракетке өтүү анын ишинин өзөгүн түзгөн.
Ошол эле учурда ал гендердик теңдик маселесине чоң салым кошкон. Жумагуль Шариповна аялдардын лидерлигин сөз менен эмес, жашоосу менен далилдеген. Ал жаш кесиптештерин колдоп, аялдардын жетекчилик кызматтарга жетүүсүнө жол ачкан. Кайсы жерде башкалар тоскоолдукту көргөн болсо, ал мүмкүнчүлүк көргөн. Кайсы жерде шек болгон болсо, ал ишеним жарата алган.
Жумагуль Эгембердиева — бул күч менен назиктиктин айкалышы. Ал үнүн бийик чыгарып, зомбулук менен эмес, ишеним жана ак иш менен коомду өзгөрткөн. Анын өмүр жолу — бул тынч лидерликтин, сабырдуулук менен жоопкерчиликтин жана элге кызмат кылуунун үлгүсү.
Бул тарыхый баянды сунуштаган: Анара Алимова
Жалал-Абад ш.
Жалал-Абад ш.
Сизди дагы кызыктырышы мүмкүн
© 2025 Мыйзамдуулук Демилгелеринин Аялдар Альянсы
Долбоордун демилгечиси