Эльмира
Хасанова
Ысык-Көл
1991-жылы Советтик Союз тарагандан кийин Кыргызстан жаңы дүйнөгө бет алды: эл аралык соода, кызматташтык, маданий алмашуу күч алды. Дал ушул мезгилде англис тилин үйрөнүү өлкөнүн глобалдык коомчулукка интеграцияланышы үчүн негизги факторго айланды. Бул тил — бизнес, илим жана технологиянын тили. Кыргызстандын жарандары англис тили аркылуу мыкты билимге, дүйнөлүк маалымат булактарына жана карьералык мүмкүнчүлүктөргө жетүү мүмкүнчүлүгүнө ээ болушту. Бул процесс мугалимдердин жардамы менен ишке ашып, келечек муундар дүйнөлүк реалдуулукка даярдалып чыкты. Дал ошол мугалимдердин бири — Эльмира Хасанова. Ал өмүр бою англис тилине жана коомдук демилгелерге арнаган инсан.
Өмүр баяны
Эльмира Азлановна Хасанова 1962-жылдын
23-декабрында Ысык-Көл облусунун Түп айылында төрөлгөн.
23-декабрында Ысык-Көл облусунун Түп айылында төрөлгөн.
Окуудагы жетишкендиктери мектепти алтын медаль менен аяктоого жана Алматыдагы чет тилдер институтуна тапшырууга жол ачкан. Ал 1985-жылы англис жана француз тилдери мугалими адистиги менен окуусун аяктаган. Кийин билим алууну Пакистан жана Америкада улантып, Чикагодогу North Park University университетинен билим берүү тармагында магистр даражасын алган.
Кесиптик ишмердүүлүгү 40 жылга жакын убакытка созулуп, мектептерде, жогорку окуу жайларда жана тил курстарында англис тилин окуткан.
Кесиптик ишмердүүлүгү 40 жылга жакын убакытка созулуп, мектептерде, жогорку окуу жайларда жана тил курстарында англис тилин окуткан.
Эльмира Азлановна котормо ишмердүүлүгү менен активдүү алектенген.
Каракол шаарындагы Москва ишкердик жана укук институтунун филиалында жетекчилик кызматтарды аркалаган. Ошондой эле ал билим берүү программаларын иштеп чыгууга жана эл аралык долбоорлорго активдүү катышкан.
Эльмира Азлановна көп жыл бою котормочулук ишмердүүлүк менен алектенип, жаштарга гендердик темада тренингдер өткөргөн, ыктыярчы жана кайрымдуулук иштерди уюштурган. Анын демилгелери өзгөчө муктаждыгы бар балдарга жардам көрсөтүү, аз камсыз болгон үй-бүлөлөрдүн турак жайын оңдоо жана ресурстук борборлорду өнүктүрүү өңдүү маанилүү иштерди камтыйт.
Билимге жана коомго кошкон салымы үчүн Эльмира бир катар эл аралык сыйлыктарга жана Япония, АКШ, Европа өлкөлөрүндөгү эл аралык программаларга катышуу мүмкүнчүлүгүнө ээ болгон. Ал китеп окуу, саякаттоо, музейлерге жана маданий иш-чараларга катышуу аркылуу дем алып турат.
Эльмира Азлановна көп жыл бою котормочулук ишмердүүлүк менен алектенип, жаштарга гендердик темада тренингдер өткөргөн, ыктыярчы жана кайрымдуулук иштерди уюштурган. Анын демилгелери өзгөчө муктаждыгы бар балдарга жардам көрсөтүү, аз камсыз болгон үй-бүлөлөрдүн турак жайын оңдоо жана ресурстук борборлорду өнүктүрүү өңдүү маанилүү иштерди камтыйт.
Билимге жана коомго кошкон салымы үчүн Эльмира бир катар эл аралык сыйлыктарга жана Япония, АКШ, Европа өлкөлөрүндөгү эл аралык программаларга катышуу мүмкүнчүлүгүнө ээ болгон. Ал китеп окуу, саякаттоо, музейлерге жана маданий иш-чараларга катышуу аркылуу дем алып турат.
Өлкөгө кошкон салымы
Эльмира Хасанова ондогон ийгиликтүү бүтүрүүчүлөрдү тарбиялап чыкты. 80ден ашуун окуучусу FSA FLEX, Fulbright, Muskie, Open Society жана башка эл аралык билим берүү программаларынын финалисттери болушкан. Анын тарбияланган жаштары АКШ, Улуу Британия, Германия, Испания, Франция, Бельгия, Латвия, Казакстан жана Россиянын алдыңкы университеттеринде билим алышкан.
Бүгүнкү күндө Эльмира Каракол шаарында жеке англис тили мектебин жетектейт. Ал жаштарды өнүгүүгө жана дүйнөлүк деңгээлде ой жүгүртүүгө шыктандырып келет.
Анын ишеними — билим бул жеке ийгилик гана эмес, өлкөнүн келечегине кошкон салым.
Анын ишеними — билим бул жеке ийгилик гана эмес, өлкөнүн келечегине кошкон салым.
Анын эмгегинин аркасында Кыргызстан жүздөгөн дүйнөлүк деңгээлде атаандаша алган жаш адистерге ээ болду. Алар дүйнө менен көпүрө куруп, өз элин даңазалап, глобалдык коомчулукта өз ордун табууда.
Бул тарыхты жөнөткөн автор: Банур Абдиева
Каракол ш.
Каракол ш.
Сизди дагы кызыктырышы мүмкүн
© 2025 Мыйзамдуулук Демилгелеринин Аялдар Альянсы
Долбоордун демилгечиси