Баткен

Апиза Жороева

Апиза апа алган чакан гранттын жардамы менен чийки зат жана жабдууларды сатып алып, жүн иштетүү боюнча жеке устакана ачкан. Бүгүнкү күндө анын устаканасында айылдагы ондогон кыз-келиндер чогулуп, кол өнөрчүлүктүн сырларын үйрөнүп, киреше табуу мүмкүнчүлүгүнө ээ болушууда. Бул өз ара көмөктөшүү жана билим бөлүшүү процесси аркылуу айылдагы аялдардын экономикалык жана маданий абалы жогорулап жатат.

Кыргызстандын эң алыскы аймактарында мекенге болгон сүйүүсү, маданиятты сактоого жасаган аракети жана мээнети менен бүтүндөй коомду шыктандыра алган аялдар жашайт. Дал ушундай аялдардын бири — Баткен облусунун Лейлек районундагы Коргон айылында жашаган Апиза Жороева. Ал кыргыздын байыркы кол өнөрчүлүк салттарын жандандырып, аны келечек муундарга өткөрүп берүү максатын жаш кезинен бери көксөп келген. Бул тилеги "Роза Отунбаеванын демилгелери" фондунун «Аялдар — тынчтыктын тиреги» долбоору аркылуу ишке ашкан.

Биография

Апиза Муйдуновна Жороева 1958-жылдын 12-августунда Баткен облусунун Сүлүктү шаарында төрөлгөн.

1975-жылы мектепти аяктагандан кийин энесинен кол өнөрчүлүктүн алгачкы ыкмаларын үйрөнүп, бул өнөрдү өздөштүрө баштаган. Ал төрт уул жана бир кыздын мээримдүү апасы. 2016-жылдан бери Апиза апа ар кандай фестивалдарга, жарманкелерге жана маданий иш-чараларга активдүү катышып келет. 2023-жылы Лейлек айыл өкмөтүнүн ардак грамотасына, ал эми 2024-жылы Баткенде өткөн «Кылым карыткан кыргыз килеми» фестивалынын байгесине ээ болгон. Учурда ал ондон ашуун аялдан турган топту жетектеп, алар менен биргеликте жүн иштетип, таар, белдемчи жана башка улуттук буюмдарды жасап чыгышат.

Өлкө үчүн кошкон салымы

Апиза Жороева Баткенден тартып Кыргызстандын башка аймактарына чейин ар түрдүү кол өнөрчүлүк фестивалдарына катышып келет. Бул иш-чаралар аркылуу ал кыргыздын бай маданиятын таанытып гана тим болбостон, жаштарга жана аялдарга өзүнүн билимин, тажрыйбасын өткөрүп берет.

Апиза апанын устаканасы азыр жөн гана ишкана эмес — ал аялдар үчүн дем-күч берген, тилектештик жараткан жана жаңы мүмкүнчүлүктөрдү ачкан чыныгы коомдук борборго айланган.

Анын мисалы — маданиятты сүйүү жана коомдук колдоо аркылуу чоң өзгөрүүлөргө жетишсе болорун көрсөтөт. Апиза апанын жолу өлкөдөгү көптөгөн аялдарга шыктандыруу болуп, аларды өзүн ишенимдүү сезүүгө, өнүгүүгө жана маданий мурастарды улантууга үндөйт.

Источники
Интервью - salammedia.kg
Кол өнөрчүлүк Лейлек аялдарын кандайча бириктирди?

Видеомаек YOUTUBE
Кол өнөрчүлүк Лейлек аялдарын кандайча бириктирди?

Бул тарыхты жөнөткөн автор: Ашур кызы Нурпеил

Баткен облусу

Вас также может заинтересовать

Ырыскуль Нуралиева

Когда-то она была девочкой с вокзала, сиротой без имени и будущего. А стала символом преданности, трудолюбия и неугасимой жажды жизни.

Айдана Оторбаева

Cломала стереотипы и сделала женский футбол в Кыргызстане символом силы, характера и международных успехов.

По регионам

Инициатор проекта

Альянс Женских Законодательных Инициатив

awli.kg@gmail.com

Предложить героиню

Историческая справка

Обратная связь