Айнуру Алтыбаева
Айнуру Тойчиевна Алтыбаева — Кыргыз Республикасынын аялдар кеңештеринин республикалык коомдук бирикмесинин төрайымы. Бүгүнкү күндө аялдар кеңештери бүткүл өлкө боюнча 7600дөн ашуун активдүү аялдарды бириктирет: мамлекеттик кызматкерлерди, депутаттарды, коомдук ишмерлерди, активисттерди. Алардын ишмердүүлүгү бюджеттерди түзүүгө катышууну, сергек жашоону пропагандалоону, үй-бүлөнү, энеликти жана балдарды коргоону, зомбулукка каршы күрөшүүнү, оор турмуштук кырдаалга кабылган аялдарды жана үй-бүлөлөрдү колдоону камтыйт. Аялдар кеңештери министрликтер, жергиликтүү өз алдынча башкаруу органдары жана Президенттин ыйгарым укуктуу өкүлдөрү менен активдүү кызматташып, кыска мөөнөттүү жана узак мөөнөттүү пландарды ишке ашырууда. Кыймылдын лидери жана демилгечиси Айнуру Алтыбаева болуп саналат.
Чүй
Өмүр баяны
Айнуру Тойчиевна 1958-жылы 28-февралда Ош шаарында туулган.
Ал Кыргыз мамлекеттик университетин «Экономика» (1979) жана «Юриспруденция» (1998) адистиктери боюнча аяктаган. 1979-жылдан 1997-жылга чейин Ош облустук аткаруу комитетинде, андан кийин Мамлекеттик салык кызматында жана Кыргыз Республикасынын Социалдык фондунда иштеген. 2008−2010-жж. — К Р Жогорку Кеңешинин консультанты. 2010-жылдан тарта «Аялдар Кеңеши» КБны жана Кыргызстандын «Биримдик» демократиялык партиясын жетектеген. Эки жолу Жогорку Кеңештин депутаты болуп шайланган (2010−2021-жж.). 2022-жылдын апрель айынан тартып КР УИАнын Мамлекет жана укук институтунда эмгектенет. Айнуру Тойчиевна — юридика илимдеринин доктору, мамлекеттик жарандык кызматтын 2-класстагы мамлекеттик кеңешчиси.
Өзүнүн ишмердүүлүгү үчүн көптөгөн сыйлыктарга ээ болгон.
Үй-бүлөлүү, эки баласы бар. Өзүнүн ишмердүүлүгү үчүн көптөгөн сыйлыктарга, анын ичинде ордендерге, медалдарга жана ардак грамоталарга, ошондой эле Ж. Баласагын атындагы КУУнун ардактуу профессору жана Россиянын табият таануу академиясынын профессору наамдарына ээ болгон.
Өлкөгө кошкон салымы
Айнуру Алтыбаева Кыргызстанда аялдардын лидерлигин өнүктүрүүгө зор салым кошууда. Анын жетекчилиги астында аял лидерлерге, жергиликтүү кеңештердин депутаттыгына талапкерлерге активдүү колдоо көрсөтүлөт.
5−6-чакырылыштагы депутат катары ал социалдык өнүгүүгө, калктын жашоо сапатын жакшыртууга, аялдардын ишкердигин колдоого жана аялдардын саясий катышуусун илгерилетүүгө багытталган 79дан ашык мыйзам долбоорун иштеп чыгууга жана кабыл алууга катышкан.
Анын ишмердүүлүгү үй-бүлө институтун чыңдоого, аялдардын жана балдардын укуктарын коргоого, социалдык коргоону өнүктүрүүгө жана аялдардын бардык деңгээлде чечим кабыл алууга катышуу мүмкүнчүлүктөрүн кеңейтүүгө өбөлгө түзөт.
Булактар
Facebook-тагы расмий баракчасы
Айнуру Алтыбаева
Instagram-дагы расмий баракачасы
@ainuru_altybaeva
Википедия сайтындагы биографиясы
Айнуру Алтыбаева
Facebook расмий баракчасындагы макала
Алтыбаева Айнуру Тойчиевна награждена высшей наградой ВОЗ
Facebook-тагы расмий баракчасы
Айнуру Алтыбаева
Instagram-дагы расмий баракачасы
@ainuru_altybaeva
Википедия сайтындагы биографиясы
Айнуру Алтыбаева
Facebook расмий баракчасындагы макала
Алтыбаева Айнуру Тойчиевна награждена высшей наградой ВОЗ
Айнуру Тойчиевна Алтыбаеванын тарыхы боюнча акцияга катышуу үчүн арыздын автору: Картанбаева Дарика Усенбековна
Бишкек ш.
Бишкек ш.
Сизди дагы кызыктырышы мүмкүн
© 2025 Мыйзамдуулук Демилгелеринин Аялдар Альянсы
Долбоордун демилгечиси